Pwy ydw i?

Hannah Blythyn ydw i ac rydw i'n falch o gynrychioli Delyn yn Senedd Cymru. Mae’n fraint cael gwasanaethu’r gymuned yr ydw i yn rhan ohoni ers 2016. Cefais fy magu yma, es i'r ysgol yma ac rydw i’n byw yma. Rydw i'n dod o Sir y Fflint ac yn gwasanaethu Sir y Fflint, ac rydw i wedi ymrwymo i weithio'n galed i wneud gwahaniaeth i Ddelyn a hyrwyddo ein cornel ni o'r wlad.

Beth rydw i’n ei wneud?

Yn y bôn, Aelod Seneddol yw AS, ond yng Nghymru. Fel Aelod o’r Senedd (AS) dros Ddelyn, sef rhan orllewinol Sir y Fflint, rydw i’n cynrychioli etholwyr o Oakenholt i Gronant, trefi’r Fflint, yr Wyddgrug, Treffynnon a Chaerwys a’r pentrefi niferus yn yr ardal. Mae fy swyddfa yng nghanol yr Wyddgrug ac rydw i’'n weithgar mewn cymunedau ar hyd a lled yr etholaeth drwy gydol y flwyddyn, gan gynnal dros 100 o ddigwyddiadau cymunedol, cynorthwyo bron i 1,000 o drigolion ac ymweld â thua 90 o fusnesau a sefydliadau ledled Sir y Fflint.

Sut y gallaf helpu?

Rydw i yma i helpu gydag unrhyw gwestiynau, ymholiadau neu broblemau sydd gennych. Os nad fi yw'r pwynt cyswllt cywir i helpu, yna bydd fy swyddfa yn eich cefnogi i'r cyfeiriad cywir. Rydw i’n fwy na pharod i ymweld â sefydliadau, busnesau, ysgolion a grwpiau i ddarganfod mwy am eich gwaith ac i chi gael gofyn cwestiynau am fy ngwaith i. Hoffwn ofyn i chi roi cymaint o rybudd â phosibl i'm swyddfa gan fod fy nyddiadur yn aml yn llenwi'n gyflym.